مؤتمر المدونين الاول

الخميس 19اكتوبر الاجتماع الاول للمدونين

شهدت الاسكندريه اول اجتماع للمدونين عبر لجنة التضامن مع سجناء الراى التى يرأسها الصحفى الكبير محمد عبد القدوس والمقرر العام لها الدكتور ابراهيم الزعفرانى الامين العام لنقابة الاطباء بالاسكندريه

حضر عدد من المدونين من انحاء الجمهوريه يزيد عن 250مدون كما حضر مجموعه من الشخصيات العامه منها المهندس السيد بسيونى سكرتير عام حزب الغد وتحدث عن اعتقال الدكتور ايمن نور والمدون كريم عامر اعضاء الحزب كما حضر الاستاذ عمر السباخى رئيس جمعية انصار حقوق الانسان وايضا تحدث الاستاذ صبحى صالح والاستاذ صابر ابو الفتوح عضوا مجلس الشعب عن الاخوان المسلمين

كما تحدث عدد كبير من المدونين الذين تم اعتقالهم فى الفتره السابقه وتحدثوا عما تعرضوا له من تعذيب على ايدى امن الدوله

كما تحدث الشاعر عبد الرحمن يوسف والذى لقبه الجميع بالمتنبى الحديث

انتظروا نزول باقى الفيديوهات والصور

Thursday, October 19 the first meeting of the bloggers Alexandria witnessed the first meeting of bloggers across the Committee for Solidarity with the prisoners of conscience, headed by the great journalist Mohamed Abdel-Qudous, the Rapporteur - General to Dr. Ibrahim Za'farani Secretary-General of the Medical Association in Alexandria Attended by a number of bloggers parts of the Republic more than 250 written also attended a series of public figures, including Engineer Mr. Bassiouni secretary of the party tomorrow, speaking about the arrest of Dr. Ayman Nour, codified Karim Amer members of the party also attended by Professor Omar Sbakhi President of the Assembly of supporters of human rights and also talked professor Subhi Saleh Professor Saber Abul-Fotouh member of the People for the Muslim Brotherhood Speaking as a large number of bloggers who were arrested in the previous period and talked about were from torture at the hands of state security Also speaking poet Abdul-Rahman Youssef, who nicknamed everyone Palmtenbi talk Wait constituencies rest videos and images

نقلا عن مدونة صدى صوت

الحريه لعبد الرحمن فارس

صحيت مفزوع على رسالة تويتر تفيد بإعتقال أحد المدونين واسمه عبد الرحمن فارس مدون صاحب مدونة لساني هو القلم ودخلت على الإنترنت من أجل التاكد والمتابعة ولقيت فعلاً انه معتقل بعد صلاة العيد مباشرة وطبعاً التهمة جاهزة ومعروفة توزيع منشورات هدفها التحريض على قلب نظام الحكم ( اللهم اجعلني من المحرضين ) والحض على كراهية النظام ( اللهم زدها في قلبي وانقلها الى قلب كل كائن حي ) وقلب نظام الحكم ( ان شاء الله قريب وقبل موتك يا مبارك ) ده على اساس ان النظام معدول وعدل وعال العال
نيجي بقى للمهم
عبد الرحمن معتُقلش ( بضم الشين ) بسبب توزيعه منشوراتاللي هي التهمة الخايبة الفاشلة بتاع الحكومة الفاشلة الخايبة انما اعتقلوه بسبب تدوينة كتبها في اول اكتوبر عنونها هنقلبها عليهم وهنراقب أمن الدوله زي ما بيراقبونا وهو ناشر فيها أسامي لبتوع أمن الدولة في الفيوم وزي ماهو باين من العنوان انه بيدعوا لمراقبتهم زي ما هما بيراقبونا وبصراحة معاه حق هما لا أنبيا ولا رسل ولى حتى اوليا من اولياء الله اللي عمري ما عرفت تاريخ ولي منهم
ونبي ما تستغرب اوي كدة من الموضوع الراجل مغلطش في الذات الإلهية ولا غلط في احد الأنبيا ولا دعى لنبش قبور أحد الأنبيا ولا قال تعالو نطلع القمر بالجمل ؛ رغم ان الفكرة جريئة وغريبة والأولى من نوعها لكنها مش مستحيلة ولا عيب ولا حرام دول بشر وأقل درجة من درجات البشر دول بيحمو اكبر نظام فاسد يعني ياريتهم بيحموا حد عدل
نيجي لنقطة تانية بتوجع شوية
عبد الرحمن انا مشفتش حد عمل معاه زي ما بيعملوا مع اي مدون معروف يُعتقل ولا حاجة يعني لا شفت حد تضامن ( وعلى فكرة التضامن بيبقى بالكلمة محدش مطلوب منه ياخد جركن جاز ويروح يولع في اللي خدوه ) ولا شفنا حد قال يا جماعة من المدونين الإخوان غير مجموعة لا تتعدى اصابع اليد الواحدة هي اللي تولت نشر الخبر والتضامن وكمان ايه تخيلو معظمهم مش اخوان يعني مشفتش تضامن من مدونين الإخوان او المدونين اللي مش اخوان تضامن معاه ولو بالكلمة
ممكن بقى افهم ليه ؟
هل لأنه مش مشهور ؟ ولا لأنه نشر فكرة غريبة وجريئة مش معتاد اننا نشوف زيها ؟ ولا لنه على عرب ورد بريس ومش بلوجر او مكتوب ؟ ولا ايه يعني ؟ ما انا عايز افهم
ان كان مش مشهور فهل ده ذنب ووصمة عار علشان محدش يعبره ولا حد يسأل عنه ؟
ولا علشان الفكرة اللي نشرها ؟ ان كان بسببها فيبقى خلاص مدام خوفكم من البتوع اللي بيحموا اكبر بتاع فاسد في مصر ( مبارك يعني ) يبقى الأولى انكم تكفروا بالله وتعبدو البتاع وتعملو اصنام على هيئة مخبرين وتسجدلهم لأنكم خايفين من شوية حاجات المفروض انهم بشر زيكم بل اقل لأنهم يحمو ظالم وفاسد
المصيبة انها تكون الطائفية الإلكترونية انه على عرب ورد بريس مش بلوجر او مكتوب ( وولله مفي حاجة بعيدة اليومين دول ) 0
كلمة واحدة هاقولها لكل من لم يتضامن مع عبد الرحمن من الإخوان او مش من الإخوان اللي عرفو بالخبر ولم يشغلو بالهم
خلو عندكم دم وخليكو محترمين وخليكو بني ادمين ومتبقوش جبنا
وعلى فكرة انا بكتب التدوينة فجر تالت يوم العيد وهو ممسوك بعد صلاة العيد صباح الخير بقى