كيف تتخلص من التعذيب على ايدى امن الدوله ؟
موعد الانتحار الجماعى للشعب المصرى اقترب
اذا مرض البعض منا طبعا بعد الشر عليكم حايروح للدكتور يجرى يقله الحقنى يا دكتور عندى كذا وعندى كذا اكتبلى العلاج والدكتور 
طبعا حايكشف عليه ويكتب العلاج اذا الواحد مننا عربيته عملت حادثه اوام حايروح على الميكانيكى ويقله صلح العربيه والميكانيكى طبعا ما حايصدق طبعا فلوس جاياله من السما
اذا الواحد بيته اتهد لا دى مش حاتنفع يعنى حايجرى على المقاول يقله الحقنى ابنيلى بيت طبعا المفروض يجرى على الحكومه بس مانصحوش لانه لو مفلس حايرموه فى الشارع ولو معاه فلوس حاتخلص على الرشاوى وفى الاخر مش حايطول ولا بيت ولا فلوسه اللى دفعها ليهم
طيب اذا الواحد بقى قبضت عليه مباحث امن الدوله يعمل ايه _ هو ده السؤال اللى عمرنا ما سألناه لنفسنا لو كده وعقبال البكارى اتقبض عليك من امن الدوله ايه العمل
فى ناس بتقول تروح للدكتور طيب حانلاقيه فين ماهو يمكن مشرف جمبك بيضرب وطالع عينه زيك لازم يعنى تفكره انه مقبوض عليه بدل مايعالج الناس اللى بيموتوا كل يوم من الخضار والفاكهه المسرطنه
ناس تانى قالت روح لصحفى يكتب شكوتك طيب ماهو بيقولوا الشكوى لغير الله مذله وبعدين افرض كتب شكوتك مين حايقرى الناس هجرت الجرائد بسبب ارتفاع تمنها كل يوم عن التانى او بسبب الجهل المتزايد بين الناس فى عهد مبارك او بسبب الكسل او بسبب الخوف احسن يقولوا عليه مثقف ويتقبض عليه زيك طيب افرض الناس قرت الشكوى يعنى حايعملوا ايه اللى حايقول افتح التلفزيون نتفرج على نانسى عجرم واللى حايقول تعالى نلعب عشرتين طاوله واللى مش عارف يعمل ايه حايروح يتخمد ويريح نفسه يبقى ليه تكتب شكوى من اصله
طيب بس تعمل ايه فى واحد قال روح لجمعيات حقوق الانسان طيب افرض روحت وقابلتهم ولاقتهم فى كل حته بيقولوا قبضوا عليك وعذبوك طيب وبعدين ايه العمل يعنى ماخدش غير ان فضيحتك بقت بجلاجل وكل الناس عرفت انهم ضربوك بالقفا او مدوك على رجليك او او مسكك شوية مخبرين ايديهم اطوا من عهد مبارك اللى عايشين فيه وفرموك من الضرب او حطوا العصايا انت بقى عارف فين
طيب بعد كده ايه اللى حايحصل طبعا حايكرموا اللى انتهك كل حقوقك علشان باقى الظباط يتشجعوا ويعملوا زيه
طيب يبقى ايه الحل بس لو امن الدوله مسكوك ماهو لو مسكوك اكيد حايعذبوك يبقى ليه تسمح لهم من الاصل يمسكوك
دايما بنستشهد بإن الضرورات تبيح المحظورات
ودايما بنستشهد بإن سيدنا عمر بن الخطاب لم يطبق حد السرقه لوجود مجاعه فى هذا العام
وكمان النظريات الحديثه بتقول الغايه تبرر الوسيله وانت غايتك الهروب من العذاب على ايدى قوم لا يرحمون وليس فى قلوبهم ذره رحمه
اذن فلا حل الا الانتحار الحق انتحر قبل ما امن الدوله تمسكك
دعوه عامه لكل المصررين بالانتحار الجماعى من اجل الهروب من عذاب امن الدوله
وعلشان انا مش مستبد حاسيبكم انتم تقترحوا ميعاد الانتحار الجماعى للشعب المصرى
hmderaky@yahoo.com
