رساله الى السيد الرئيس

رساله الى السيد الرئيس

قائـد الضربـه الجـويـه عـلـى الـنـصـابـيـن والحـرامـيـه

يـا مـبـارك مـرحـب بـيـك كـل الاعـضـاء بـتـحـيـيـك

اصـلـنـا قــررنــا نـكـون حـرامـيـــه

نـســرق ونـنـهــب ونـقـتـل كـمــان

تـحـت رعـايــتــك يـا أبــو جـمــال

عــارف حـانـعـمـل كـــده لـيـه

اصـلـك انـت قـدوتـنـا يـا بـيـه

وعـلـى عـهـدك احـنـا مـاشـيـيـن

عـهـد الـحـرامـيـه والـنـصـابـيـن

اما بعد سيادة الرئيس : ممكن ان تقبل من ابنك المفروم فى عجاناتكم – والمطحون تحت اقدامكم والمنهوب فى جيوب حضراتكم انى اطلب بعض الطلبات اللى وعدت بيها واكيد حاتنفذ مفيش كلام بس اسمحلى اطلب تانى علشان بس ماتنسانى==اول حاجه وبكل ضمير == اطلب شقه من التعمير اللى مليت بيه البلاد لولادك وصحابه كمان قصر هنا وقصور هناك فلل كتيره مالهاش حد غير شوية حراميه بجد كل اللى عايزه شقه بسيطه اسكن فيها على الحديده امال يعنى اسكن فين ماهو الشارع مقفول لسيادتك بتعدى انت ورجالتك

==تانى حاجه ومن غير تقصير عايز وظيفه تكون على زوقى سيبك من انى اكون حرامى لا انسى ماتنفعنيش اصلى انا مصرى مصرى بجد مامدش ايدى ابدا لحد == ولا امدها فى جيوب حد

انت شايف نفسك ايه مصرى برضه زينا يا بيه

برضه ايدك مش فى جيوبنا == ولا احنا اللى فى جيوبك

==تالت طلب بطلبه بصراحه نفسى اتكلم بئه بالراحه

اطلب تسمع وكمان تنفذ امال حافضل اصرخ واصرخ

نفسى اقول كلمة حق اقولها واقعد كده فرحان فى بيتى طبعا مش فى اللومان ده انا مره قلت كلمة حق = نفسى اكل اكله نضيفه اكلوهالى منهم لله فى السجون والمعتقلات ايه الظلم ده ياناس هو حرام اطلب اكل امال يعنى اطلب ايه ولا طلبت فيلا ولا قصرولا عربيه اخر موديل ولا شقه كمان على النيل

دى مجرد لقمه نضيفه مره بس قبل ما اموت كمان مستخسر فينا اللقمه لازم يعنى تكون بمبيدات انت فكرنا يا سيدى حشرات

والله احنا بنى ادمين واحسن منك وكمان فاهمين

فاهمين انك واكل مالنا عارفين انك قاتل امالنا لكن اتكأد مش ساكتين وحانصحى كل النايمين

وحانقف ضدك يا مبارك انت وابنك وكل عميل

لا مرحب ولا سهلا بيك ابعد عنى الله لايخليك انت صدقت اننا قابلينك حزب الغد بعيد عن عينك

حزب الغد فيه رجاله حايقفوا ضدك بكل بساله

وحانستحمل للنهايه علشان خاطــر المصريين

عند الاخوان المسلمين الاخ بيتجوز الاخت

عند الاخوان المسلمين الاخ بيتجوز الاخت

بمعتقل برج العرب سمعت اذان العصر فذهبت للصلاه بالمسجد الذى يقيمه الاخوان المسلمين حرصا منى على صلاة الجماعه

بعد الصلاه بدأ احد الاخوان يتحدث عن الزواج وكيفية اختيار الزوج والزوجه واثناء حديثه ضرب لنا مثال بفتاه ...... اسف بأخت كما يقولون وقال ان هذه الاخت تقدم لخطبتها الكثير وكانت ترفضهم جميعا وعندما سألها اهلها لماذا ترفضين قالت لهم لانى اريد ان اتزوج اخ ..... طبعا لم استطيع ان امنع نفسى من الضحك اخت عايزه تتجوز اخ وسالت من بجوارى ساخرا انتم فى عقيده الاخوان المسلمين الاخت ممكن تتجوز الاخ فحاول ان يشرح لى المعنى المراد من الاخت والاخ فقلت له اعرف ولكن لماذا رايتكم جميعا تهللون عندما سمعتم انها ترفض الجميع لانها تريد اخا فهل انتم شعب الله المختار ونحن شعب الله المحتار على راى عم جلال । حاول هذا الاخ ان يوضح لى انهم لا يقصدون هذا ولكن لم يفلح فكان المعنى من كلامهم مفهوم ولا يقبل التأويل .الاخ يتجوز الاخت لانهم يعتقدون انهم افضل من باقى المصريين فهل يتحول الاخوان المسلمين الى انهم شعب الله المختار?وما هى الحالات التى تقبل فيها الاخت ان تتزوج بغير اخ؟

امن الدوله بتهددنى وانا خفت يا جدعان هاهاها

يعمل ايه المواطن اللى معاه حكم ضد وزير الداخليه ومدير فرع مباحث امن الدوله باسكندريه بتعويضه خمسين الف جنيه عن فتره اعتقاله وعايز ينفذ الحكم ده وهما رافضين , يعمل ايه المحامى لما يحاول اتخاذ اجراءات تنفيذ الحكم فيوصله تهديد من امن الدوله باعتقاله اذا استمر فى المطالبه بحقه وحق موكله يعمل ايه المواطن لما يتقبض عليه ويضرب من امن الدوله ويطلبوا منه يلغى التوكيل اللى عامله للمحامى , يا ترى يلغيه ولا يستمر فى المطالبه بحقه , مين يجيبله حقه ويحميه من امن الدوله

كتبت قبل كده عن تقدمى بطلب لرفع الحصانه عن وزير الداخليه وارسال انذار له ولمدير فرع مباحث امن الدوله باسكندريه بتنفيذ حكم قضائى بتعويض موكلى بخمسين الف جنيه والا سارفع جنحه مباشره ضدهما ومن اجل رفع جنحه مباشره ضد وزير الداخليه يجب ان ترفع عنه الحصانه اولا لانه عضو بمجلس الشورى اقلكم بقى الحكايه اليوم الاحد 2 مارس 2008 ذهبت لمحكمة محرم بك للكشف على بعض القضايا وعند وجودى بالمحكمه قابلت عبد الرازق محمد جمعه وهو موكلى الى سبق ان تقدمت بطلب لرفع الحصانه عن وزير الداخليه لامتناعه عن تنفيذ الحكم الصادر لموكلى بتعويضه ب 50 الف جنيه عن الفتره التى قضاها بالمعتقل 9 سنوات بدون اى اتهام او جريمه كما ارسلت انذار لمدير فرع مباحث امن الدوله بالاسكندريه حيث انه مدعى عليه ثانى فى نفس الحكم وطالبته بتنفيذ الحكم والا سيتم رفع جنحه مباشره لامتناعه عن تنفيذه والعقوبه المنصوص عليها فى قانون العقوبات لمن يرتكب جريمة الامتناع عن تنفيذ حكم قضائى هى الحبس والعزل من الوظيفه وذلك وفقا للماده 123 من قانون العقوبات .نرجع لموضوعنا لاقيت عبد الرازق بيجرى ولما شافنى وقف وقالى انا حالغيلك التوكيل قلتله ليه بس كده وانا مبتسم قالى امبارح السبت قبضوا عليا فى امن الدوله واضربت فى كتفى وقالولى عايز تحبس وزير الداخليه ومدير امن الدوله باسكندريه انت والمحامى بتاعك احمد عراقى بتاع حزب الغد فقالهم انا ماليش دعوه انا سلمت الاوراق للمحامى وهو اللى بيتصرف وبينفذ الحكم وانا ماعرفش حاجه, قالوله بكره تلغى التوكيل للمحامى ده وتجبلنا شهاده بانك لاغيت التوكيل , قلتله ليه يا شيخ رزق لو عايز تلغى التوكيلعلشان انا قرت فى قضيتك ده حقك لكن انا ماقصرتش ومعرض نفسى للمشاكل علشانك , قالى انا عندى عيال وخايف . قلتله لو عايز تلغى التوكيل الغيه انت حر بس انت كده سبت حقك وحق البلد لانك كده بتديهم فرصه انهم يستمروا فى عدم تنفيذ الاحكام القضائيه , الراجل سابنى ومشى ومش عارف حايعمل ايه المهم وهو ماشى قالى خلى بالك على نفسك لانه قالى انه مش حايسيبك وحايجيبك امن الدوله هو ده اللى حصل النهارده فى بداية اليوم امن الدوله يقبضوا على موكلى علشان يضغطوا عليه انه يلغى التوكيل علشان ماقدرش استمر فى المطالبه بتنفيذ الحكم الصادر لصالحه وعدم مطالبتى برفع الحصانه عن وزير الداخليه باعتباره عضو بمجلس الشورى وعدم ملاحقه مدير فرع مباحث امن الدوله بالاسكندريه الرافض تنفيذ الحكمعليه العوض ومنه العوض فى البلد